शेयर सदस्यहरूको उपचार सहुलियत, शैक्षिक प्रोत्साहन, सहकारी गतिविधि अध्ययन भ्रमण र दिवंगत हुँदा दिईने सहयोगका लागि प्रत्येक वर्ष कम्तिमा रू. १०,००,०००।–(अक्षरेपी दश लाख रूपैयाँ मात्र) जम्मा गरि “शेयर सदस्य सेवा कोष” खडा गरिनेछ । सोही कोषबाट तल उल्लेखित विषयमा शेयर सदस्यहरूलाई सहुलियत उपलब्ध गराइनेछ ।

• अस्पतालमा उपचार गराउँदा ओ.पि.डी. सेवा बाहेक सबै सेवामा शेयर सदस्य (श्रीमान/श्रीमती) लाई २५%, उहाँहरूका परिवारका सदस्यहरूलाई २०% छुट दिने व्यवस्था गरिएको छ । शेयर
  सदस्यज्यूहरूको परिवारको परिभाषा भित्र श्रीमान, श्रीमती, छोरा, बुहारी, अविवाहित छोरी र बुवा, आमा समेत र विवाहित महिलाको हकमा सासु, ससुरा समेतलाई समावेश गरिएको छ ।
• फार्मेसीबाट वितरण हुने औषधीहरूमा सबैका लागि ५% छुटको व्यवस्था मिलाईएको छ ।
• शेयर सदस्यहरूलाई मृगौला प्रत्यारोपण, मुटुको भल्भ परिवर्तन, क्यान्सर र ब्रेन हेमोरेज जस्तो कडा रोग लागेमा रू.५०,०००।–(अक्षरुपि पचास हजार मात्र ।) वा शेयर सदस्यले संस्थामा लगानी गरेको रकमको १५% सम्म रकम सहयोग गरिनेछ ।
• शेयर सदस्य दुर्घटनामा परी अङ्गभङ्ग हुनेगरी घाईते भएमा दुर्घटनाको प्रकृति हेरि संस्थाले तोकेको अस्पतालमा उपचारका लागि बढिमा रू. २,००,०००।– (अक्षरेपी दुई लाख रूपैयाँ मात्र) सम्म उपचार खर्च दिईनेछ ।
• शेयर सदस्यको मृत्यु भएमा निजको परिवारलाई रू. १,००,०००।– (अक्षरेपी एक लाख) आर्थिक सहयोग दिईनेछ ।(संस्थाको स्थापना कालदेखि हाल सम्म १५ जना सदस्यका परिवारले यो सुविधा लिईसक्नु भएको छ ।)
• एउटै शेयर सदस्यले वर्ष दिन भरिमा १० लाख भन्दा बढी रकम खर्च गर्ने बिरामी अस्पतालमा ल्याएको भेटिएमा सबै भन्दा बढी बिरामी ल्याउने शेयर सदस्यहरूलाई पुरस्कार स्वरूप रू. १ लाखको शेयर दिइनेछ । यो शर्त गैर शेयर सदस्यहरुलाई समेत लागू हुनेछ ।